O spinning é unha das actividades físicas máis realizadas na actualidade, pois imita o movemento da bicicleta ó aire libre e actúa como un perfecto complemento para unha infinidade de deportistas.
Deste xeito, situamos o traballo dos diferentes músculos que participan na pedalada, en cada un atopamos diferentes puntos a ter en conta:
- O cuadríceps:
Actúan no desprazamento cara abaixo e permiten que poidamos empurrar o pedal no movemento.
Debemos controlar:
- A altura do sillín, de xeito que quede a altura da cintura aproximadamente, para evitar un xeonllo moi flexionado.
- O uso de calas para os pés.
Neste punto aconsellamos:
- Colocar o asento, de xeito que a perna quede case estirada na fase de impulso.
- Utilizar sempre calas para poder traballar a musculatura de xeito integral.
- Traballo de vasto interno para evitar lesións.
- Os isquiotibiais:
Traballan na fase ascendente en conxunto co psoas ilíaco e o recto anterior do cuadríceps.
Neste punto deberiamos ter coidado con:
- Rixidez muscular: realizar estiramentos de isquiotibiais antes e despois da actividade.
- O psoas ilíaco: responsable de moitas lesións a nivel lumbar, cómpre estiralo sempre o rematar as sesións.
- Traballo abdominal e de tronco:
A posición na bicicleta no spinning e as situacións de equilibrio e volta ó sillín fan que sexa unha musculatura importante neste exercicio, deste xeito será importante o traballo da musculatura estabilizadora e central, para evitar riscos de lesións. Debemos asegurarnos de que a distancia entre manillar e sillín e correcta para evitar sobrecargas.
- O glúteo maior:
Permite a extensión da cadeira e o seu traballo de tonificación permite maior transferencia de forza cando traballa en conxunto co cuadríceps.
- O tríceps sural:
Traballan na parte máis baixa, nos puntos mortos, cun movemento semellante a tocar o chan coa punta do pé.
- Extremidade superior:
Realízase un exercicio isométrico: brazos, pectoral e ombreiro, debido a estabilización durante a pedalada ó agarrarse forte o punto de apoio.
Deste modo, dende Saudeter, aconsellamos a práctica desta actividade como un complemento ideal para os deportistas e tamén para as persoas con pouco tempo para a práctica deportiva, pois con sesións curtas pódense conseguir obxectivos destacables.
