O Osíxeno e o combustible son elementos que se necesitan para que o noso organismo responda, mais débense combinar de maneira óptima. Unha fonte de enerxía é a alimentación, que se realiza de maneira previa ao exercicio, outra é a respiración. As persoas reciben o osíxeno de maneira natural ó respirar, pero non sempre o fan da maneira máis eficiente.
Coordinación:
Cando se comeza unha actividade física o corpo busca a enerxía necesaria para responder á esixencia á que se somete.
Dende Saudeter, indicamos que, cando se comeza a facer un exercicio sempre é mellor pensar en aprender a coordinar a respiración que non buscar resultados concretos.
Tipo de ex
ercicio:
Para os exercicios aerobios débese levar un ritmo que vaia coordinado coa actividade en concreto.
En canto aos traballos con carga a respiración é máis fácil de aprender porque ao ser un exercicio anaerobio, de forza, hai dúas fases de movemento. A razón é que se a persoa non osixena ben na fase excéntrica, previa á contracción, non terá suficiente osíxeno para que se consiga superar a carga.
Tampouco se debe aguantar a respiración mentres se fai forza, xa que pode impulsar un aumento da presión arterial.
Tipos de respiración:
A abdominal ou diafragmática é a que se utiliza moito en técnicas de relaxación. Ó activar a parte baixa dos pulmóns, que a nivel fisiolóxico se considera a parte máis eficiente, está a conseguirse estimular o sistema nervioso parasimpático, que é o motiva a relaxación corporal.
A torácica é a respiración máis normal, que é cando respiramos de pulmón, inspirando polo nariz e expirando pola boca. Esta é a que utilizamos en calquera tipo de exercicio aerobio ou anaerobio.
Hai técnicas para adestrala e o máis recomendable é adestrar o ritmo para levar unha respiración relaxada, profunda e regular. Unha vez que se teña dominada e baixo control é cando deben marcarse obxectivos máis específicos.
