Cando falamos da natación estamos a falar dunha actividade que inflúe positivamente no noso estado de saúde, coa cal podemos manexar os diferentes niveis da presión arterial, mellorar o funcionamento da actividade óseo e muscular, ademais das articulacións corporais e o sistema respiratorio, ademais de fortalecer os diferentes tecidos que compoñen o noso corpo. Este completo deporte é unha excelente alternativa a outros exercicios para que as persoas con patoloxías cardíacas melloren a súa saúde xeral, pois optimiza os condicionantes cardíacos e a circulación sanguínea. En resumo, dende Saudeter temos en conta beneficios como:
- Tonificación muscular: a cifra de 40 minutos diarios antolla como suficiente para notar os efectos desexados.
- Previsora de patoloxías e axuda na súa readaptación: asma, lesións musculares e nerviosas, hipertensión arterial, problemas vertebrais, entre outras. É moi importante na readaptación de lesións.
- Perda de peso: pérdese graxa e adquírese masa muscular.
- Rebaixa a tensión.
A pesares de contar con tantos beneficios, como toda actividade física debería estar tutelada por un profesional na materia, polo cal deberíamos ter en conta unha serie de consellos e precaucións:
- Nadar con intensidade cando non se está afeito pode ser contraproducente, o ideal é retomar a rutina gradualmente, seguindo os principios do adestramento.
- É recomendábel inscribirse nun curso se se leva tempo sen facer ou a técnica non é a axeitada, relaciónase co anterior punto. Evitar riscos para a saúde.
- Manter as medidas hixiénicas (ducharse e secarse de xeito axeitado) para evitar o contaxio de fungos e empregar gorro e lentes (ollo ás lentes de contacto).
- Control da respiración ó nadar é a clave para facer o exercicio ben e evitar esgotamento físico innecesario. O obxectivo non é fatigarse, senón relaxarse e desfrutar no auga.
- Se queres practicar a natación como exercicio regular consulta sempre a un profesional (o punto máis importante), fuxindo de experimentos.
Así pois, dende Saudeter propugnamos, coa nosa experiencia na materia, a alternativa da natación á hora de complementar a actividade física diaria e mellorar a nosa saúde, porque non todo se reduce a correr e ir ó ximnasio.
