A hidratación é unha acción fundamental da vida. O corpo humano posúe un 75% de auga ao nacer e perdemos preto dun 10% co crecemento. Dese 65% case todo se atopa no interior das células e unha pequena porcentaxe sitúase no sangue.
O ser humano non pode estar sen beber auga máis de seis días sen poñer en risco a súa vida. Estes prazos acúrtanse en función de certos factores como o grao de actividade, a temperatura ou a humidade.
- O adestramento:
Antes, durante e despois do adestramento é necesario manter un nivel de hidratación adecuado para conseguir un adestramento óptimo.
O deportista medio céntrase en beber despois da actividade física e esquécese de facelo durante, polo que se pon en perigo o balance hídrico.
Cando ese balance hídrico se descompensa severamente, o nivel de potasio e magnesio cae poñendo en risco a nosa integridade física e expoñéndonos a lesións innecesarias, cambras e fatiga muscular, por iso é polo que é necesario estar formado e ser especialista en prevención de lesións deportivas.
O rendemento deportivo pode diminuír ata case a metade debido a que a suor é un regulador de temperatura. Ó perder un litro de auga o noso organismo aumenta 0.3° C e o ritmo cardíaco sobe 8 pulsacións/ minuto.
- Consellos de hidratación:
É importante hidratarse ben antes de calquera actividade física, por iso 15 minutos antes conviría beber auga ou unha bebida enerxética que achegue os minerais e a auga necesaria para soportar esa actividade.
Durante a actividade hai que repoñer líquidos, electrolitos e minerais para que o noso rendemento non diminúa. Se a temperatura da bebida é un pouco máis fría que a ambiente axudará a unha rápida absorción.
Así pois, dende Saudeter, tomamos conciencia de non só tomar auga cando temos sede, pois adoita aparecer despois da deshidratación. Uns poucos minutos adicados a beber auga durante o adestramento, permitirán que o rendemento mellore ou non empeore, ó mesmo tempo que prevemos complicacións musculares.
